Eusko Legebiltzarrerako hauteskundeen atarian, kanpainako eskualdeko ekitaldi nagusia egin du EH Bilduk Azpeitian. Nagore Alkorta Azpeitiko alkateak eta Nerea Kortajarena eta Itziar Murua Gipuzkoako zerrendakideek hitz egin dute agerraldian. Komunitatearen indarra nabarmendu dute.

Lurraren Altxamendua izeneko mugimenduak Azpeitian eta Berangon (Bizkaia) 11.000 zuhaitz moztu zituela jakinarazi zuen joan den astean, eta gaur, Azpeitia eta Zestoa artean egindako ekintza hori gaitzetsi dute Gipuzkoako EHNE eta ENBA nekazarien sindikatuek eta Gipuzkoako Basoa elkarteak.

Saio Originala ekimenaren barruan eskainiko dute Alemaniako Zineko Pelikula Onenaren eta Emakumezko Aktore Onenaren Sariak jaso zituen filma, 19:30ean hasita, Modelon.

Itaiak proposamen politikoa ondu du indarkeria matxistari aurre egiteko bide orri gisa. Ostiralean aurkeztuko dituzte proposamenaren xehetasunak. Aurkezpena Esklabetako areto nagusian egingo dute, 18:30ean hasita. Saioa irekia izango da.  

Gizonen taldeak bina berdindu zuen larunbatean, Basconiaren aurka etxean jokatutako partida. Aldiz, emakumeen taldeak 3 eta 2 galdu zuen atzo Basauriren aurkako norgehiagoka.